Mən kiməm

Stress, travma, təşviş və münasibət çətinliklərinin öhdəsindən gəlmək üçün ilk addım: [Ödənişsiz Konsultasiya]

Ana səhifə
Haqqımda

Peşəkar psixoloji dəstəklə həyat keyfiyyətinizi yenidən kəşf edin

Mən, Klinik Psixoloq və Psixoterapevt Firuzə Qənizadə İbrahimova, 2018-ci ildən etibarən psixologiya sahəsində peşəkar fəaliyyət göstərirəm.

Akademik təməlimi Bakı Dövlət Universitetində psixologiya üzrə bakalavr və Xəzər Universitetində Klinik Psixologiya üzrə magistr dərəcəsi alaraq qurmuşam.

Təhsilim və təcrübəm mənə insan psixikasının dərinliklərini elmi əsaslarla anlamağa və insanlara daha effektiv dəstək olmağa imkan verir.

Terapiya prosesində hər bir fərdin ehtiyaclarına uyğun olaraq inteqrativ bir yanaşma tətbiq edirəm. Beynəlxalq standartlara uyğun sertifikasiyalı təlimlərini tamamladığım Koqnitiv Davranış Terapiyası (CBT), Sxem Terapiya, Psixodinamik Terapiya və Cinsi Terapiya metodlarından istifadə edərək, köklü dəyişikliklərə hədəflənirəm.

Mənim üçün terapiya, keçmişin kölgələrindən azad olub daha şüurlu bir gələcək qurmaq prosesidir.

Hazırda 16 yaşdan böyük fərdlərlə fərdi və cütlük terapiyası seansları keçirirəm. İstər fərdi emosional çətinliklər, istərsə də münasibətlərdə yaranan böhranlar zamanı sizinlə birlikdə həll yolları axtarırıq.

Peşəkar fəaliyyətimin mərkəzində etik prinsiplər və məxfiliyin tam qorunması dayanır.

Virtual və ya fiziki terapiya otağım sizin üçün mühakimə olunmadığınız, özünüzü tam təhlükəsiz hiss edəcəyiniz və daxili dünyanızı rahatlıqla ifadə edə biləcəyiniz bir sahədir.

Əgər siz də həyatınızda yeni bir səhifə açmağa, özünüzü daha yaxından tanımağa və emosional çətinliklərin öhdəsindən gəlməyə hazırsınızsa bu yolda sizə dəstək olmağa hazıram

Təhsil

Bakalavr Təhsili

Bakı Dövlət Universiteti

Psixologiya ixtisası.

Magistr Təhsili

Xəzər Universiteti

Klinik (tibbi) psixologiya ixtisası.

İş sahələri

İş sahəsi

Fərdi terapiya

Əhval-ruhiyyə pozuntuları,

Depressiya,

Həyəcan-təşviş pozuntuları, fobiyalar

Panik pozuntu,

OKP (Obsessiv Kompulsiv Pozuntu),

Travma, Post travmatik stress pozuntusu,

Şəxsiyyət pozuntuları,

Yemə pozuntuları (Anoreksiya, Bulimia, emosional yemə pozuntuları),

Cinsi pozuntular (Vaginizm, Erektil disfunsiya, cinsi istəksizlik, orqazm pozuntuları)

Stress və stressə bağlı problemlər,

Özgüvən əskikliyi və şəxsi inkişaf və s.

İş sahəsi

Cütlük terapiyası

Ünsiyyət çətinlikləri,

Güvən problemləri,

Xəyanət sonrası münasibətin bərpası,

Həddindən artıq qısqanclıq və kontrol davranışları,

Münasibətdə sərhəd problemləri,

Sağlam ayrılıq prosesi,

Ayrılıq sonrası adaptasiya,

Boşanma öncəsi qərarvermə